RRRrrrr!!!

Təxminən otuz beş min il əvvəl iki ibtidai qəbilə yanaşı yaşayır. Təmiz Saçlılar şampunun sirrini hamıdan gizlədərək rahatlıq içində ömür sürür, Çirkli Saçlılar isə qaşınmaqdan əziyyət çəkir. Lakin bir gecə baş verən qəfil hadisə bu qonşuluğun sakitliyini pozur.

Təmiz Saçlılar qəbiləsində bəşər tarixində ilk dəfə olaraq bir qadın başqası tərəfindən öldürülür. Əvvəllər insanlar heç vaxt bir-birinin həyatına qəsd etməmişdi. Qəbilə üzvləri bu sirli cinayəti kimin törətdiyini və bunun ardının gəlib-gəlməyəcəyini öyrənmək məcburiyyətində qalırlar.

«RRRrrrr!!!» adlı bu fransız komediyasını 2004-cü ildə rejissor Alen Şaba çəkib. Filmin əsas rollarında Florans Müllor, Edit Le Merdi, Dominik Besnear və Olivye Barru çıxış edirlər.