Hovuzdakı qız

Varlı ailə başçısı Tomun qaydasında gedən həyatı gözlənilməz faciə ilə alt-üst olur. Gənc sevgilisi Hanna qəfil dünyasını dəyişdikdən sonra kişi onun cəsədini öz həyətində gizlətmək məcburiyyətində qalır. Məhz bu vaxt həyat yoldaşı və böyük övladları evdə onun üçün sürpriz məclis təşkil edirlər.

Qonaqlar həyətə toplaşdıqca heç nədən xəbəri olmayan insanların meyiti tapmaq təhlükəsi artır. Tom heç bir problem yoxmuş kimi davranmağa çalışır. Lakin daxili təşviş və getdikcə güclənən qorxu hissi onu dəlilik həddinə çatdırır.

«The Girl in the Pool» trillerinin quruluşçu rejissoru Dakota Şeyn Qormandır. 2024-cü il ABŞ istehsalı olan bu dram filmində baş rolları Freddi Prins kiçik, Briel Barbaska, Maykl Sirou və Ciel Shi canlandırıb.