Qabaqcadan xəbərdarlıq

1959-cu ildə məktəblilərin gələcəyə dair təsəvvürlərini qoyduğu zaman kapsulu açıldıqda, professor Con Kestlerin əlinə qəribə bir kağız parçası düşür. Bu vərəq büsbütün rəqəmlərlə dolu idi. Həmin yazıları araşdıran alim rəqəmlərin son əlli ildə Yer üzündə baş vermiş ən böyük fəlakətlərlə birbaşa bağlı olduğunu üzə çıxarır.

Siyahı yalnız keçmiş qəzalarla məhdudlaşmır. Qeydlər gələcəkdə də faciələrin qaçılmaz olduğunu və yeni qəzaların baş verəcəyini göstərir. Artıq Kestler bu fəlakətlərin konkret hansı tarixlərdə gözlənildiyini qabaqcadan öyrənmiş olur.

«Knowing» adlı fantastik triller filminin rejissoru Aleks Proyasdır. ABŞ, Böyük Britaniya və Avstraliyanın birgə istehsalı olan bu film 2009-cu ildə təqdim edilib. Əsas rolları Ben Mendelson, Endji Diaz, Nataniel Kivi və Çandler Kenterberi canlandırıb.