Ölümcül canlı

Tanınmış yazıçı Semyon üç ildir ki, naməlum nömrədən gələcəkdən xəbər verən qəribə ismarıclar alır. Müəllif hadisələrin qarşısını almağa nə qədər çalışsa da, həmin qısa mesajlardakı bütün proqnozlar dəqiqliklə gerçəkləşir.

İsmarıcları göndərən şəxsin kimliyini müəyyənləşdirmək istiqamətindəki bütün cəhdlər nəticəsiz qalır. Sirli müəllifi tapa bilməyən Semyon vəziyyətlə barışır və sakit yaşamağa çalışır. Lakin telefonuna gələn növbəti xəbərdarlıq onun adiləşmiş həyatını tamamilə sarsıdır.

«Ölümcül canlı» adlı psixoloji detektiv filmi 2015-ci ildə Ukraynada lentə alınıb. Layihənin rejissoru Maksim Stetskovdur. Ekran əsərində əsas obrazları Oleq Priqomenov, Vitali İvançenko, Aleksandr Qereles və Mixail Kriştal canlandırıblar.