Nəzarət illüziyası

Bir qrup muzdlu qatil qurbanlarının ölümünü bədbəxt hadisə kimi qələmə verməkdə ustalaşıb. Növbəti tapşırıq zamanı bir qız siyasətçi olan atasının aradan qaldırılmasını sifariş edir. Dəstənin rəhbəri Yon-il yeni plan üzərində işləyərkən sifarişçinin ailəsi ilə bağlı qəribə bir fakt aşkarlayır.

Məlum olur ki, həmin qızın anası vaxtilə avtobus qəzasında həyatını itirib. Vaxtilə Yon-ilin cinayətləri planlaşdıran yaxın dostu və şəriki də eyni şəkildə dünyasını dəyişmişdi. Yon-il bu cür təsadüfün mümkün olmadığına inanır və hadisələrin arxasında onların özünü hədəf alan rəqib təşkilatın dayandığından şübhələnir.

Cənubi Koreya istehsalı olan «Nəzarət illüziyası» (Seolgyeja) cinayət trillerinin rejissoru Li Yo-sopdur. 2024-cü ildə təqdim edilən filmdə baş rolları Çxve Byon-yun, Hvan Cə-yol, Li Con-hyon və Çan Hi-cin canlandırıb.