Anonim dəvət

Hollivud agentliyində rəhbər işləyən Cordan Hayns toy ərəfəsindədir və gərgin iş günləri keçirir. Günlərin birində ona naməlum bir pərəstişkardan bənövşəyi zərf daxil olur. Nişanlı olmasına baxmayaraq, oteldə sirli qadınla görüşmək təklifi onun ağlını başından alır və o, bu gizli görüşə getmək qərarına gəlir.

Hoteldə baş tutan ehtiraslı görüşdən bir müddət sonra Cordanı güclü təşviş və paranoya bürüyür. Hər addımda izləndiyini hiss edən agent bu sirli məktubun arxasında kimin dayandığını və onu hansı məqsədlə cəlb etdiklərini anlamağa çalışır.

Triller, detektiv və komediya janrlarını birləşdirən «The Beta Test» filminin rejissorları Cim Kamminqs və Pi Cey Makkeybdir. Əsas rollarda Kit Pauell, Con Ceffri Martin, Jaklin Dok və Jaklin Conson çəkiliblər. ABŞ və Böyük Britaniya istehsalı olan bu film 2021-ci ildə nümayiş olunub.