Açıqca qətlləri

Avropanın paytaxtlarında bir-birinin ardınca qəddar cinayətlər törədilir. London, Madrid və Stokholm şəhərlərini hədəf seçən qatil jurnalistlərə muzey açıqcaları göndərərək hüquq-mühafizə orqanları ilə təhlükəli oyun oynayır və onlara müxtəlif işarələr ötürür.

Nyu-York polisi Ceykob Kenonun qızı cinayətkarın növbəti qurbanına çevrildikdə hadisələr şəxsi müstəviyə keçir. Təcrübəli xəfiyyə qatilin izinə düşmək və qızının qisasını almaq üçün hərəkətə keçir.

«The Postcard Killings» adlı cinayət və dram filmi 2020-ci ildə ABŞ, Böyük Britaniya və Almaniya tərəfindən birgə istehsal edilib. Ekran işinin rejissoru Danis Tanoviçdir, əsas rolları isə Salli Harmsen, Orla O'Rurk, Mixael Dirks və Lukas Luqren canlandırıb.