Kadavr

Hanna Qreysin bədənindən cin çıxarma ayini keşişin ölümü ilə nəticələnir və atası qızını öz əlləri ilə boğmağa məcbur qalır. Hadisədən sonra keçmiş polis əməkdaşı Meqan Rid keçmişin ağrılı xatirələrindən qurtulmaq üçün anonim alkoqoliklər dərnəyinə gedir. Qadın gecələr Boston şəhər xəstəxanasının morqunda növbətçi kimi işə düzəlir.

İlk iş növbəsində morqa tanınmaz dərəcədə eybəcərləşdirilmiş gənc qız meyiti gətirilir. Çox keçmədən Meqan boş otaqlarda və dəhlizlərdə kiminsə dolaşdığını hiss etməyə başlayır. Qadın qəbul edilən bu cəsəddə qorxulu və qeyri-adi nələrsə baş verdiyindən şübhələnir.

«Kadavr» (The Possession of Hannah Grace) qorxu və triller janrında çəkilmiş 2018-ci il ABŞ filmidir. Ekran işinin rejissoru Diderik Van Rujendir. Əsas rollarda Monika Farrinqton, Stiven Vayz, Ceff Bellin və Nik Tun çəkiliblər.