Ускользающая жизнь

Uğurlu kardiocərrah Albina Vilenskaya xəstəxanada gözlərini açdıqda həyatını alt-üst edən xəbərlərlə qarşılaşır. Məşhur vəkil olan atası vəfat edərək onu mirasdan məhrum buraxıb, nişanlısı İqor isə izsiz-tozsuz yoxa çıxıb. Üstəlik, həkimlər onun öz canına qəsd etməyə çalışdığını bildirirlər.

Başına gələn fəlakətlərin səbəbini araşdırmağa başlayan Albina yenidən böyük təhlükə ilə üzləşir. Cavab axtarışları onu uçurumun kənarına gətirib çıxarır. Lakin çətin anda onun qarşısına gözlənilməz bir xilaskar çıxır və məlum olur ki, onları bir-birinə bağlayan çoxlu ortaq məqam var.

«Ускользающая жизнь» filmi 2018-ci ildə Rusiyada çəkilib və detektiv ilə melodram janrlarını birləşdirir. Ekran əsərinin quruluşçu rejissoru Vladimir Naxabtsev ml.-dir. Əsas rolları Qlafira Tarxanova, Aleksandr Nikitin, Yuri Belyayev və Andrey Çadov ifa ediblər.