İlk görüş, son görüş

1914-cü il ərəfəsində, Milad bayramı günlərində Peterburqda qəribə və dramatik hadisələr cərəyan edir. Hüquq fakültəsinin tələbəsi Petya Çuxontsev ixtiraçı Kuklinin müəmmalı ölümünü araşdırmağa qərar verir. Gənc oğlan çox keçmədən cinayətin izinə düşməyi bacarır.

Araşdırma onu yerli ixtiraları ucuz qiymətə ələ keçirib alman casusuna ötürən Şolts adlı şəxsə aparıb çıxarır. Lakin Petya tezliklə başa düşür ki, fərqinə varmadan tamamilə özünə aid olmayan və boyundan böyük bir işə qarışıb.

Detektiv, dram və komediya janrlarını birləşdirən «Первая встреча, последняя встреча» filmi 1987-ci ildə SSRİ-də lentə alınıb. Rejissor Vitali Melnikovun çəkdiyi bu ekran əsərində baş rolları Mixail Morozov, Qrajina Şapolovska, Oleq Yefremov və Boris Plotnikov ifa ediblər.