Böyük qızların yataqxanası

Mermon adlı nüfuzlu qızlar kollecində səhər saatlarında dəhşətli hadisə baş verir: ən nümunəvi şagirdlərdən olan Letisiya Berq ümumi yataq otağında boğularaq qətlə yetirilmiş halda tapılır. Cinayət törədilən vaxt həmin otaqda digər on yeddi qız da yatırdı. Araşdırmaya başlayan komissar Broş işi müfəttiş Dezire Markoya həvalə edir, çünki gənc qızların qaldığı qapalı mühitdə onun daha yaxşı nəticə verəcəyini düşünür. Müəssisənin müdirəsi isə cinayəti otağa bayırdan gizlicə girən hansısa avaranın törətdiyinə hamını inandırmağa çalışır.

İstintaqa başlayan Marko müxtəlif şübhəliləri dindirməyə məcbur olur. Letisiyanın anası ilə evlənmək istəyən ispan əsilli DaKosta və kollecin qızlarını çimərlik geyimində lentə alan fotoatelye sahibi şübhə altına düşür. Şagirdlərdən birinin etirafı isə vəziyyəti dəyişir: o, müfəttişə Letisiya ilə birlikdə gizlicə kinolent çəkdiklərini və həmin kadrların hazırda aşkarlanmaq üçün laboratoriyada olduğunu xəbər verir.

Fransa istehsalı olan bu kriminal dram filmi 1953-cü ildə rejissor Anri Dekuan tərəfindən çəkilib. Ekran əsərində baş rolları Jan Mare, Fransuaza Arnul, Deniz Qrey və Janna Moro canlandırırlar.