Doktor Mabuzenin 1000 gözü

Avropanın müxtəlif guşələrində bir neçə ildir ard-arda qətl, adam oğurluğu, terror və irimiqyaslı maliyyə cinayətləri törədilir. Polis heç bir ipucu tapa bilmir, lakin bütün hadisələrin tək bir ortaq nöqtəsi üzə çıxır: zərərçəkənlərin hamısı vaxtilə Berlindəki «Luksor» hotelində gecələyib.

Sensasiyalı faktları efirə çıxarmağa hazırlaşan məşhur telejurnalistin ölümündən sonra işi komissar Krass araşdırmağa başlayır. Həmin ərəfədə müstəntiqin qarşısına Kornelius adlı kor bir öncəgörən çıxır və cinayətin izinə düşməkdə ona inadla kömək təklif edir.

«Doktor Mabuzenin 1000 gözü» (Die 1000 Augen des Dr. Mabuse) detektiv filmi 1960-cı ildə rejissor Frits Lanq tərəfindən çəkilib. Fransa, İtaliya və Qərbi Almaniyanın birgə istehsalı olan trillerdə əsas rolları Daun Addams, Peter van Eyk, Gert Fröbe və Volfqanq Prays canlandırıb.