Cuttputlli

Polis sıralarına yenicə qoşulan Aryan dərhal ağır bir cinayətin istintaqına cəlb olunur. O, on beş yaşlı məktəbli qız Samikşanın qətlini araşdırmağa başlayır və hadisə yerindəki detalları diqqətlə nəzərdən keçirir.

Toplanan sübutlar və tapıntılar bu hadisənin başqa bir cinayət işi ilə birbaşa əlaqəli olduğunu üzə çıxarır. Bütün ipuclarını birləşdirən Aryan qarşılarında silsilə qətllər törədən bir qatilin dayandığı qənaətinə gəlir.

«Cuttputlli» adlı Hindistan istehsalı olan bu detektiv triller 2022-ci ildə rejissor Rancit Tivari tərəfindən ekranlaşdırılıb. Filmin əsas rollarında Akşay Kumar, Rakul Prit Sinqx, Sarqun Mehta Dube və Çandraçur Sinqx çıxış edirlər.