Salute

Polis müfəttişi Aravind şöbədə rəhbər vəzifədə çalışan qardaşı Acit və digər iş yoldaşları ilə birlikdə Murali adlı şəxsi yaxalayır. Onlar axtarılan qatili tutduqlarını düşünərək saxta sübutlar düzəldirlər. Lakin tezliklə cinayəti başqa bir adamın törətdiyi üzə çıxır. Həmkarları səhvlərini ört-basdır etmək istəsələr də, Aravind bu yalana şərik olmaqdan boyun qaçırır və polis sistemindən uzaqlaşır.

İllər sonra o, sevgilisi ilə bərabər qardaşı qızının toy mərasimi üçün doğma şəhərinə qayıdır. Burada keçmiş müfəttiş əsl qatili ifşa edə biləcək yeni faktlarla rastlaşır. Aravind həbsdə qalan günahsız Muralini xilas etmək və ədaləti bərpa etmək üçün yenidən ipuclarının ardınca gedir.

Hindistan istehsalı olan «Salute» filmi rejissor Roşan Endryus tərəfindən ekranlaşdırılıb. 2022-ci ilin triller və dedektiv janrlı bu lentində baş rolları Dulkar Salman, Manoc K. Cayan və Diana Penti canlandırırlar.