Düzənlikdə alov

1997-ci ilin qışında Çinin şimal-şərqində yerləşən sənaye şəhərciyində taksi sürücülərinin qətlə yetirilməsi ilə bağlı silsilə cinayətlər baş verir. Əyalətdən uzaqlaşmaq istəyən gənc Çjuan Şu və uşaqlıq dostu Li Fey cənuba qaçmağı qərara alırlar. Ayrılmaz dostlar yola düşməzdən əvvəl tonqal qalamaq üçün sözləşsələr də, həmin gecə baş verən gözlənilməz faciə planları pozur və onları bir-birindən ayırır.

Səkkiz il sonra polis müstəntiqi kimi çalışan Çjuan Şu keçmişdəki açılmamış cinayətlərin istintaqını yenidən araşdırmağa başlayır. İllər öncəki hadisələrin izinə düşən gənc zabit, vaxtilə yoxa çıxmış Li Feyin bu qətllərlə birbaşa bağlı ola biləcəyini öyrənir.

Rejissor Çjan Tszinin çəkdiyi «Düzənlikdə alov» filmi 2021-ci ildə Çində istehsal olunub. Əsas rolları Çjou Dunyuy, Lyu Haojan, Yuan Xun və Mey Tin canlandırıblar.