Cold Case

Balıqçının sudan çıxardığı zibil torbasından insan kəlləsinin tapılması qaranlıq cinayətin üstünü açır. Məhkəmə-tibbi ekspertizası qətlin təxminən bir il əvvəl törədildiyini müəyyənləşdirir. Qəlizləşən işi araşdırmaq polis komissarının köməkçisi Satvacitə tapşırılır və o, sırf məntiqə əsaslanan təhqiqata başlayır.

Eyni vaxtda ərindən ayrılan jurnalist Medha azyaşlı qızı ilə birlikdə kirayələdiyi yeni evə köçür. Çox keçmədən qadın evdə izahı olmayan qorxulu hadisələrlə üzləşir və baş verənlərin səbəbini özü axtarmağa qərar verir. Beləliklə, eyni cinayət işi üzrə biri rəsmi polis tərəfindən, digəri isə mistik hadisələrlə üzləşən ana tərəfindən aparılan iki ayrı axtarış prosesi formalaşır.

2021-ci il istehsalı olan «Cold Case» filmi Hindistan kinematoqrafçıları tərəfindən çəkilib. Ekran işinin rejissoru Tanu Balakdır, baş rolları isə Pritxvirac Sukumaran, Aditi Balan, Lakshmi Priyaa Chandramouli və Anil Nedumanqad canlandırıblar.