Shirai-san

Gözləri partlamış halda tapılan cəsədlərin sayı durmadan artır. Qəribə və dəhşətli davranan bu insanların rəsmi ölüm səbəbi ürək tutması kimi qeydə alınır. Yaxınlarını eyni müəmmalı şəraitdə itirən Mizuki və Haruo baş verənləri özləri aydınlaşdırmaq qərarına gəlirlər.

Axtarışlar onları sirrin açarını bilən Eiko adlı qıza aparıb çıxarır. Lakin qız həqiqəti bölüşməyə macal tapmır: onun da gözləri partlayır və o, həyatla vidalaşır. Eikonun son nəfəsində dediyi yeganə kəlmə isə «Shirai-san» adı olur.

«Shirai-san» mistik qorxu filmi 2020-ci ildə Yaponiyada rejissor Otsuichi tərəfindən çəkilib. Detektiv trillerin baş rollarında Marie Iitoyo, Yu Inaba, Manami Enosawa və Shugo Oshinari çıxış edirlər.