Qatar qızı

Mira Kapur qısa müddət ərzində uğurlu hüquqşünas karyerasını, ailəsini və körpə sahibi olmaq arzusunu itirir. Yaşadığı ağır sarsıntılar səbəbindən o, təsəllini spirtli içkilərdə tapır və həyatı darmadağın olur. İndi onun yeganə məşğuliyyəti hər gün qatar pəncərəsindən baxaraq kənardan xoşbəxt görünən gənc bir cütlüyü seyr etməkdir.

Özünü həmin qadınla eyniləşdirən Mira bu mənzərəni həyatının mərkəzinə qoyur. Lakin bir axşam həmin gənc qadının öldürülməsi bütün hadisələrin gedişatını dəyişir. Mira öz dumanlı xatirələri və reallıq arasında qalaraq bu qətlin dəhşətli sirləri ilə üzləşməli olur.

«Girl on the Train» filminin rejissoru Ribhu Dasquptadır. 2021-ci ildə Hindistanda istehsal edilmiş bu detektiv dramında Pariniti Çopra, Aditi Rao Hidari, Kirti Kulhari və Rajiv Chabria çəkiliblər.