Kavaludaari

Yol polisi əməkdaşı Şyam xidməti vəzifəsindən bezərək cinayət axtarışı sahəsinə keçmək niyyətindədir. Şəhərdəki tikintilərin birində fəhlələr təsadüfən basdırılmış üç insan skeleti tapırlar. Ekspertiza qalıqların qırx il əvvələ aid olduğunu üzə çıxarır. Polis rəhbərliyi bu qədər köhnə işin izinə düşməyi mənasız sayır və Şyama bu mövzuya qarışmağı qadağan edir.

Rəislərin xəbərdarlığına məhəl qoymayan gənc zabit gizli şəkildə faktları araşdırmağa başlayır. Hadisənin dərinliyinə bələd olmaq üçün o, vaxtilə bu cinayət işini aparmış təqaüddəki müfəttiş Muthannaya müraciət edir. İki polis əməkdaşı onilliklər öncə baş verən müəmmalı cinayətin izinə birlikdə düşür.

«Kavaludaari» filmi 2019-cu ildə Hindistanda rejissor Hemanth M. Rao tərəfindən çəkilib. Ekran əsərində əsas obrazları Anant Naq, Suman Ranqanathan, Nakshatra və Avinaş canlandırıblar.