Forensic

Trivandram şəhərində azyaşlı qızın qəfil yoxa çıxması və sonradan meyitinin tapılması böyük təşviş yaradır. Cinayətin araşdırılması polis zabiti Ritika Ksaviyeyə tapşırılır. Lakin tezliklə baş verən yeni oğurluq hadisəsi şəhərdə silsilə qatilin peyda olduğunu aşkara çıxarır.

İstintaqa dəstək məqsədilə tibbi-məhkəmə eksperti Səmyuel Con Kattukaran qrupa cəlb edilir. Keçmişdən qalan şəxsi münasibətlər ritika və Səmyuelin birgə fəaliyyətini xeyli çətinləşdirir. Maddi sübutların dəqiq elmi təhlilinə güvənən ekspert, cinayətkarın axtarış istiqamətini dəyişdirən mühüm ipucları əldə edir.

«Forensic» adlı Hindistan istehsalı olan triller 2020-ci ildə nümayiş olunub. Filmin quruluşçu rejissorları Ənəs Xan və Axil Poldur. Baş rolları Tovino Tomas, Mamta Mohandas, Saycu Kurup və Reba Monika Con canlandırıb.