Anveshanam

Yeddiyaşlı uşaq kəllə-beyin travması ilə ağır vəziyyətdə xəstəxanaya gətirilir. Anası və onlarla birlikdə gələn ailə dostu oğlanın pilləkəndən yıxıldığını iddia edir. Çox keçmədən təcili xəbər alan ata Aravind də təşviş içində tibb müəssisəsinə gəlir.

Həkim heyəti zədələrin xarakterinə görə bu hadisənin təsadüf olduğuna şübhə ilə yanaşır. Həmin vaxt polisə uşağa qarşı şiddət törədildiyi barədə anonim zəng çatır. Xəstəxanaya gələn asayiş keşikçiləri valideynlərin və onları müşayiət edən həkimin dediklərində ciddi uyğunsuzluqlar üzə çıxarır.

«Anveshanam» detektiv dramını hindistanlı rejissor Prasobh Vijayan çəkib. 2020-ci ildə ekranlara çıxan filmin əsas rollarında Jayasurya, Sruthi Ramachandran, Vijay Babu və Leona Lishoy çəkiliblər.