El Hijo

Ağrılı ayrılıqdan sonra rəssam Lorentso həyatını norveçli bioloq Siqrid ilə yenidən qurmağa çalışır. Qadının hamilə qalması ailəyə sevinc gətirmək əvəzinə münasibətləri soyudur. Siqrid getdikcə qapalı davranır, ənənəvi həkim nəzarətindən imtina edir və ərindən uzaqlaşır.

Körpə Skandinaviyadan çağırılmış mamaçanın köməyi ilə evdə dünyaya gəlir. Doğuşdan sonra ana uşağı atasından belə təcrid edərək evdə qəribə qaydalar yaradır. Qadının bu dərəcədə həddindən artıq qayğıkeşliyi və sirli hərəkətləri Lorentsonu dərin şübhələr və təşviş içində qoyur.

«El Hijo» adlı detektiv dram filmini argentinalı rejissor Sebastyan Şindel çəkib. 2019-cu ildə təqdim olunan layihənin əsas rollarında Xoakin Furryel, Martina Qusman, Lusiano Kaseres və Haydi Toyni çəkiliblər.