İkinci rəy

Öz şirkətinə rəhbərlik edən Ayvi Fişer vaxtının demək olar ki, hamısını işinə həsr edir. Gərgin iş rejimi mühüm bir işgüzar görüş zamanı qəfil huşunu itirməsi ilə nəticələnir. Hadisədən dərhal sonra onun həyatına daxil olan həkim qadına qorxulu və ağır bir diaqnoz qoyur.

Ölümcül hesab etdiyi xəstəliklə mübarizəyə başlayan Ayvi gözlənilməz vəziyyətlərlə qarşılaşır. Qadın təsadüfən öyrənir ki, ona yardım etməli olan həkim əslində tamamilə başqa bir şəxsdir və gerçək kimliyini gizlədir.

Kanada istehsalı olan «Second Opinion» filmi triller və detektiv janrlarını birləşdirir. 2018-ci il ekran işinin rejissoru Kerolayn Labreşdir, əsas rolları isə Coann Kelli, Şon Benson, Cenell Uilyams və Alisa Kinq canlandırıb.