Yeni qanun

Ailə məsələləri üzrə vəkil olan Luis Poten eyni zamanda televiziyada ekspert kimi çıxış edir. O, katakali rəqqasəsi olan xanımı Vasuki Iyer və qızı ilə birlikdə sakit bir ömür sürür. Lakin qonşuların törətdiyi ağır zorakılıq bu ailənin sakitliyini darmadağın edir.

Başına gələn bu hadisədən sonra Vasuki tamamilə içinə qapanır və əvvəlki şən xarakterindən əsər-əlamət qalmır. Qadın yaşadıqlarını ərindən gizlədərək intiqamını öz əli ilə almağa və günahkarları şəxsən cəzalandırmağa qərar verir.

"Puthiya Niyamam" adlı Hindistan trilleri 2016-cı ildə ekranlara çıxıb. Rejissor A.K. Sacanın çəkdiyi detektiv dramda əsas obrazları Nayantara, Mammutti, Sheelu Abraham və Roşan Metyu canlandırıb.