Irada

Nüfuzlu bir sahibkara məxsus əczaçılıq zavodunda qəfil baş verən sirli partlayış bütün diqqəti müəssisəyə yönəldir. Ştat rəhbərliyi hadisənin səbəblərini aydınlaşdırmaq üçün Milli İstintaq Agentliyinin əməkdaşı Arjun Mişranı ezam edir. Təcrübəli detektiv şübhəli məqamları araşdırdıqca hadisə yerində gözlənilməz faktlarla üzləşir.

Təhqiqat zamanı Mişra xərçəngdən qızını itirmiş və qisas almaq istəyən keçmiş hərbçi ilə, eləcə də sevgilisinin qətlinə görə ədalət axtaran bir jurnalistlə rastlaşır. Tezliklə aydın olur ki, baş verən partlayış fabrikin ətrafa axıtdığı zəhərli tullantılarla, qrunt sularının çirklənməsi və bölgədə xərçəng xəstəliyinin sürətlə yayılması ilə birbaşa əlaqəlidir.

«Irada» detektiv triller filmi 2017-ci ildə Hindistanda istehsal olunub. Rejissoru Aparnaa Singh olan filmin baş rollarını Naseeruddin Shah, Arshad Warsi, Divya Dutta və Sharad Kelkar canlandırıb.