O, qətl bişirdi: Sadəcə desertlər

İden-Leyk qəsəbəsində təşkil edilən şirniyyat müsabiqəsinin aparıcılığı və münsifliyi yerli çörəkxananın sahibi Hanna Svensenə tapşırılır. Münsiflər heyətində yaranan gözlənilməz problem səbəbindən məktəbin basketbol məşqçisi son anda komandaya əlavə olunur.

Yarış başladıqdan bir qədər sonra həmin məşqçinin cansız bədəni elə məktəbin ərazisində tapılır. Polisin apardığı rəsmi araşdırma ilə yanaşı, Hanna da hadisənin kökünü tapmaq üçün öz təhqiqatına başlayır.

2017-ci ildə Kanadada çəkilən «Murder, She Baked: Just Desserts» filminin rejissoru Kristoffer Taboridir. «Murder, She Baked» silsiləsinə aid olan ekran əsərində baş rolları Elison Suini, Kemeron Metison, Barbara Niven və Liza Durupt canlandırıb.