Yalanlar beşiyi

Hamilə olan Marissa gözlənilmədən komaya düşür. Yalnız beş il keçdikdən sonra qadın möcüzə nəticəsində yenidən ayılır. O, keçən bu müddət ərzində körpəsinin dünyaya gəlməli olduğunu başa düşsə də, ətrafında uşağından heç bir iz tapmır.

Çox keçmədən Marissa rəfiqəsi Hizerin yanında öz itkin körpəsi ilə eyni yaşda olan bir qız uşağı görür. Əsas şübhəli məqam isə ondan ibarətdir ki, Marissa beş il əvvəl dostunun qətiyyən hamilə olmadığını dəqiq xatırlayır.

Kanada istehsalı olan «Cradle of Lies» detektiv triller filmi rejissor Devid Uinninq tərəfindən lentə alınıb. 2016-cı ildə təqdim olunan ekran əsərinin baş rollarını Nikol de Bur, Cina Holden, Ayris Kuinn və Loklin Manro canlandırıblar.