Qisas almaq istəyirəm

Yaponiyada qəbul edilən yeni qaydalara görə, qətlə yetirilən insanların qohumlarına cinayətkarlardan şəxsən intiqam almaq hüququ verilir. Bu proses üçün tərəflər silah, ərzaq və naviqasiya cihazları ilə təmin edilərək kimsəsiz adaya göndərilir. Əgər qisas almaq istəyən şəxs on səkkiz saat ərzində qatili cəzalandıra bilməsə, cinayətkar əfv edilərək azadlığa buraxılır.

Məktəb müəllimi Takahaşi əvvəlcə bu qəddar qanunun əleyhinə idi, lakin soyğunçu onun həyat yoldaşını öldürdükdən sonra o da layihəyə qoşulmağa razılıq verir. Müəllim adaya gəldikdə vəziyyət daha da mürəkkəbləşir, çünki eyni məkana bir qrup ekoterrorçu və onların qurbanlarının çoxsaylı qohumları da gətirilir.

«Fukushu shitai» detektiv filmi 2016-cı ildə Yaponiyada istehsal olunub. Ekran əsərinin quruluşçu rejissoru Atsushi Muroqadır. Əsas rolları Maryjun Takahashi, Makiko Kuno, Taiki Wakana və Yoshinori Okada canlandırıblar.