Qara meşəlik

Saçiko Tokio qəzetlərindən birinin mədəniyyət şöbəsində çalışan böyük bacısı Nobuko ilə birgə yaşayır. Bir-birlərinə son dərəcə bağlı olan bacılardan Nobukonun qəfil yol qəzasında həlak olması gənc qızı sarsıdır. Hadisənin detalları Saçikoda ciddi şübhələr doğurur, çünki bacısının qəzaya uğrayan avtobusda deyil, tamamilə başqa bir məkanda olması planlaşdırılmışdı.

Bacısinın sirli ölümünün arxasındakı həqiqəti üzə çıxarmaq istəyən Saçiko həmin qəzetdə onun boş qalan yerinə işə düzəlir. Nobukonun əlaqə saxladığı sənət adamları və mədəniyyət xadimləri ilə yaxından tanış olduqca o, mühüm bir ipucuna çatır. Toplanan məlumatlar göstərir ki, bacısının qətlinə səbəb olan şəxs məhz bu yaradıcı mühitin içində gizlənir.

«Qara meşəlik» (Kuroi Jukai) adlı Yaponiya istehsalı olan detektiv filmi 2016-cı ildə ekranlara çıxıb. Ekran əsərinin rejissoru Jota Tsunehirodur. Baş rolları Keiko Kitagawa, Osamu Mukai, Ikki Sawamura və Eiko Koike canlandırıblar.