Koplar

İsveçli polis Benni Hollivud filmlərindəki amerikalı həmkarları kimi cəsur görünmək xəyalları qurur. Lakin xidmət etdiyi sakit qəsəbədə cinayətkarlar ümumiyyətlə yoxdur, buna görə də yerli polislərin əsas məşğuliyyəti kofe içib buterbrod yeməkdən ibarətdir.

Son on ildə heç bir qanun pozuntusunun qeydə alınmaması səbəbindən rəhbərlik ehtiyac qalmayan polis məntəqəsini bağlamaq qərarına gəlir. İşsiz qalmaq qorxusu ilə üzləşən asayiş keşikçiləri öz sahələrində cinayətkarlığı qəsdən artırmaq və bununla da işlərini qorumaq qənaətinə gəlirlər.

«Koplar» (Kopps) komediya filmi 2003-cü ildə Danimarka və İsveçin birgə istehsalı ilə ərsəyə gəlib. Ekran əsərinin quruluşçu rejissoru Yusef Faresdir, əsas rolları isə Fares Fares, Torkel Pettersson, Yoran Raqnerstam və Sisela Kayl canlandırıb.