Sabu

Eyni himayədar ailənin yanında böyüyən Eici və Sabu uzun illərdir bir-birinə arxa durur. Lakin heç bir ətraflı araşdırma aparılmadan oğurluqda suçlanan Eici həbsxanaya göndəriləndə dostların münasibəti çətin sınaqla üzləşir.

Qapalı divarlar arasında qalan məhbus azadlığa qovuşmaq və ona tələ quranlardan qisas almaq fikri ilə yaşayır. Sabu isə dostunun günahkar olduğuna inanmır. O, həm məhbusun özünün, həm də onları böyüdən ailənin qadağalarına baxmayaraq, işini və qalmağa yerini itirmək təhlükəsini gözə alıb ziyarətləri dayandırmır.

2002-ci ildə nümayiş olunan Yaponiya istehsalı «Sabu» dram filminin rejissoru Takashi Miikedir. Baş rolları Tatsuya Fujiwara, Satoshi Tsumabuki, Tomoko Tabata və Kazue Fukiishi paylaşıb.