Hörümçək-adam

Piter Parker məktəb yoldaşları ilə birlikdə növbəti ekskursiyaya qatılır və bu səfər onun bütün gələcəyini dəyişir. Qəribə bir hörümçəyin dişləməsi gəncin bədənində gözlənilməz çevrilmələrə yol açır. Çox keçmədən o, inanılmaz dərəcədə gücləndiyini, divarlara dırmaşmaq və möhkəm tor atmaq bacarığı qazandığını anlayır.

Qeyri-adi qabiliyyətlərini zəifləri qorumaq üçün istifadə etməyə qərar verən Piter cinayətkarlıqla mübarizəyə qoşulur. O, Hörümçək-adam adı altında şəhərin təhlükəsizliyini təmin etməyə çalışır. Lakin yeni qəhrəmanın meydana çıxması tezliklə ona qarşı duracaq təhlükəli bir caninin də peyda olmasına zəmin yaradır.

2002-ci ildə ABŞ-da istehsal olunmuş macəra və fantastika filminin rejissor kürsüsündə Sem Reymi əyləşib. Ekran əsərində baş rolları Tobi Maquayr, Villem Defo, Kirsten Danst və Ceyms Franko canlandırıblar.