Bardaasht

Kollec tələbəsi Anuc böyük qardaşı Aditya ilə mübahisə edərək evi tərk edir. İtkin düşən qardaşını axtarmaq üçün polis bölməsinə üz tutan Aditya gözlənilməz xəbər alır. Polis əməkdaşları iddia edirlər ki, gənc narkokuryer olub və polislə atışma zamanı öldürülüb.

Aditya rəsmi bəyanatlara inanmır və qardaşının ölümünün arxasında başqa həqiqətlərin durduğunu anlayır. Əlinə silah alan qəhrəman rəfiqəsi Payal ilə birlikdə bu cinayəti törədənlərdən qisas almaq qərarına gəlir.

Hindistan istehsalı olan dramatik triller filmi «Bardaasht» rejissor E. Nivas tərəfindən çəkilib və 2004-cü ildə nümayiş olunub. Ekran əsərində əsas obrazları Bobbi Deol, Lara Datta, Rahul Dev və Riteş Deşmukh canlandırıblar.