Billa

Beynəlxalq axtarışda olan təhlükəli cinayətkar Devid Billa uzun müddətdir Malayziyada gizlənir və bir çox ölkənin xüsusi xidmət orqanları onun izinə düşməyə çalışır. İllərdir bu cinayətkar şəbəkəni çökdürmək üçün plan quran detektiv Cayprakaş yerli polislərlə birlikdə həlledici əməliyyata hazırlaşır. Lakin gözlənilməz atışma zamanı Billa ağır yaralanır və elə detektivin gözləri qarşısında həyatını itirir.

Cinayətkarın ölümünə şahid olan yeganə şəxs Cayprakaşdır və o, bütün qruplaşmanı ifşa etmək üçün bu faktı öz komandasından belə gizli saxlamaq qərarına gəlir. Meyiti gizlicə basdıran polis məmuru Billaya zahirən çox bənzəyən Velu adlı sadə bir cibgir tapır. Müstəntiq həmin şəxsi dəstənin içinə sızmaq məqsədilə öldürülmüş quldurbaşının yerinə keçməyə razı salır.

«Billa» adlı Hindistan istehsalı olan bu döyüş və triller filmi 2007-ci ildə rejissor Vişnuvardhan tərəfindən çəkilib. Ekran əsərinin baş rollarını Acit Kumar, Nayantara, Namita və Rahman canlandırıb.