Kick

Kalyan adlı gənc təhlükəli macəraları sevir və həyatını hər zaman risk üzərində qurur. Sevgilisi Neyna isə onun daimi iş yerlərindən dərhal çıxmasından və məsuliyyətsizliyindən yorulub, halbuki atası oğlunun bu davranışlarını tam dəstəkləyir. Münasibətlərə son qoyan Neyna Malayziyaya yollanır və orada polis zabiti Kalyan Krişna ilə evlənməyə razılıq verir.

Lakin asayiş keşikçisi bu ölkəyə təkcə şəxsi həyatını qurmaq üçün gəlməyib. Onun əsas vəzifəsi Hindistanda varlıları qarət edən məşhur oğrunun izinə düşməkdir. Çox keçmədən Kalyan da eyni şəhərdə peyda olur və axtardığı həyəcanı tapmaq üçün Neyna və Halva Rac daxil olmaqla hər kəsi çaş-baş salan yeni bir oyun qurur.

2009-cu ildə Hindistanda istehsal olunmuş «Kick» döyüş və komediya filminin rejissoru Surendra Reddidir. Əsas obrazları Ravi Teca, İleana D'Kruz, Şam və Brahmanandam canlandırıblar.