Eeshwar

Gənc İşvar anasız böyüyüb və köhnə şəhərin yoxsul məhəllələrindən biri sayılan Dhulpetdə yaşayır. Atası dolanışığını yerli sakinlərə kustar üsulla hazırlanmış içki satmaqla təmin edir. Bir gün təsadüfən rastlaşdığı gənc qız İndu İşvarın qəlbində ilk baxışdan güclü bir məhəbbət oyadır.

Lakin onların münasibəti qarşısında böyük bir sədd var. İndunun atası yerli deputatdır və yoxsul insanlara qarşı dərin nifrət bəsləyir. Qızına yoxsul bir gəncin vurulduğunu öyrənən siyasətçi dözümsüzlük nümayiş etdirir və öz adamlarına oğlanı qətlə yetirməyi tapşırır.

«Eeshwar» adlı hind döyüş-dram filmi 2002-ci ildə ekranlara çıxıb. Ekran əsərinin rejissoru Cayant Parancidir. Əsas obrazları Prabhas, Şridevi Vicayakumar, Revathi və Brahmanandam canlandırıblar.