Sevgi

Zahirən sərt və amansız görünən Çhe İn-ho əslində kövrək və həssas bir qəlbə sahibdir. O, Min-cu adlı gənc qadını hər zaman qoruyacağına söz verib, lakin ona bəslədiyi hissləri etiraf etmək üçün tam yeddi il gözləməli olub.

Sözünün üstündə duran İn-ho sevdiyi insanı cinayətkarların hücumundan xilas etsə də, hadisədən sonra qız qəfil gözdən itir. Qəhrəman sevgilisini tapmaq ümidi ilə Pusanın ən nüfuzlu iş adamlarından birinin yanında xidmətə başlayır və yerli kriminal mühitə daxil olur.

Cənubi Koreya istehsalı olan «Sarang» filmi 2007-ci ildə işıq üzü görüb. Rejissor Kvak Kyon-thekin ərsəyə gətirdiyi bu döyüş və melodram janrlı ekran əsərində baş rolları Cu Cin-mo, Pak Şi-yon, Cu Hyon və Kim Min-cun canlandırıb.