İlan

Şotlandiyanın əfsanəvi göl bədheybəti haqqında söhbətlər gəzdiyi bir vaxtda, Tailandın meşələrində tamam başqa bir təhlükə peyda olur. Cəngəlliklərdə məskən salan nəhəng ilan bu ərazilərdə yolunu azan hər kəs üçün ciddi təhdidə çevrilir.

Bir qrup gənc müəmmalı şəkildə yoxa çıxmış dostlarını axtarmaq məqsədilə tropik meşələrin dərinliyinə üz tutur. Yolda güclü fırtınaya düşən yoldaşlar gizlənmək üçün yaxınlıqdakı mağaraya sığınırlar. Lakin həmin yer amansız yırtıcının yuvası çıxır və canavar qonaqları bir-bir tələf etməyə başlayır.

Rejissor Chaninton Muangsuwan tərəfindən lentə alınan «İlan» (Boa... Nguu yak!) filmi 2006-cı ildə Tailandda istehsal olunub. Dəhşət və döyüş janrlarını birləşdirən ekran əsərinin baş rollarında Sittha Lertsrimonkol və Kiratikorn Ratkulthorn çəkiliblər.