Dünən

1990-cı ildə Koreyada altı uşağın qəfil yoxa çıxması məxfi genetik tədqiqatların başlanğıcına çevrilir. Aradan otuz il keçdikdən sonra Qoliaf ləqəbli qatil ölkənin tanınmış alimlərini bir-bir aradan qaldırmağa başlayır. Hadisələrin izinə düşən hüquq-mühafizə orqanları cinayətkarın hərəkətləri qarşısında aciz qalır.

Qoliafın qarşısını almaq üçün ayrılan xüsusi istintaq qrupu gözlənilməz zərbə alır və qatil onların rəhbərini girov götürür. İşi çıxılmaz vəziyyətdən qurtarmaq, cinayətkarın məqsədini anlamaq və onu zərərsizləşdirmək məqsədilə xüsusi agentlərin sırasına məhkəmə psixoloqu cəlb olunur.

2002-ci il istehsalı olan «Dünən» (Yeseuteodei) adlı fantastik döyüş filminin rejissoru Con Yun-sudur. Cənubi Koreya istehsalı layihədə baş rolları Kim Sın-u, Kim Yun-cin, Çhve Min-su və Kim Son-a canlandırıb.