Ata

Hindistandakı kiçik bir kənddə qanunsuzluq və zülm hökm sürür. Thakur Sinqh adlı amansız mülkədar hər kəsi qorxu altında saxlayır, ona qarşı çıxanları isə sərt şəkildə cəzalandırır. Polis və yerli hakimiyyət nümayəndələri satın alındığı üçün əhali hüquqsuz vəziyyətdə yaşayır. Rudra da həyat yoldaşı, doqquz yaşlı qızı və iki azyaşlı oğlu ilə birlikdə burada ömür sürür.

Thakurun sərxoş oğullarının Rudranın azyaşlı qızına təcavüz etməsi ailənin həyatını alt-üst edir. Ədalətin bərpa olunmayacağını anlayan çarəsiz ata haqsızlığa boyun əyməmək qərarına gəlir. O, doğmalarının şərəfini qorumaq üçün kəndin hakiminə qarşı təkbaşına mübarizəyə başlayır.

«Pitaah» adlı hind dramatik döyüş filmi rejissor Mahesh Manjrekar tərəfindən lentə alınıb. 2002-ci ildə ekranlara çıxan kinolayihədə baş rolları Sanjay Dutt, Nandita Das, Sachin Khedekar və Tanvi Hegde paylaşıblar.