Əsgər

Hindistan ordusunun zabiti Surac Datt uzun illər xidmət etdikdən sonra nəhayət məzuniyyətə çıxır. O, istefada olan polkovnik atası Yaşpal və bacısı Minni ilə görüşmək üçün evə yollanır. Yolda silahlı şəxslərin girov götürdüyü məktəbliləri cəsarətlə xilas edən gənc zabit qısa zamanda qəhrəmana çevrilir. Həmin günlərdə Alka adlı qızla tanış olan Surac ona aşiq olur. Çox keçmədən cütlük ailələrinin xeyir-duası ilə evlənir, Minni də Vicay adlı gənclə ailə qurur.

Ailə səadəti uzun çəkmir, çünki Surac hamilə həyat yoldaşını qoyub sərhəddəki hərbi xidmətinə qayıtmaq məcburiyyətində qalır. Bir müddət sonra ataya oğlunun xidmət zamanı itkin düşdüyü barədə acı xəbər çatır. Yaşpal bu dərdi gəlini Alkadan və qızından gizlətməyə çalışır. Lakin hər iki qadın baş verənlərdən artıq xəbərdardır və kədərlərini içlərinə ataraq bu çətin günlərdə ayaqda qalmağa çalışırlar.

1993-cü ildə çəkilmiş «Sainik» filminin rejissoru Sikandr Bhartidir. Hindistan istehsalı olan bu dramatik döyüş filmində baş rolları Akşay Kumar, Aşvini Bhave, Farhin və Alok Nath canlandırıblar.