Sevgi ifşası

Yu qatı katolik qaydaları ilə böyüyüb. Yeniyetmə vaxtı anası ağır xəstəlikdən vəfat etməzdən qabaq oğlundan Müqəddəs Məryəmə bənzər pak bir qız tapmasını vəsiyyət edir. Bir müddət sonra Yunun atası keşiş rütbəsi alır, lakin yüngülxasiyyətli bir qadına vurulub tərk edildikdən sonra xasiyyəti kəskin şəkildə dəyişir. O, hər gün oğlundan etdiyi günahları etiraf etməsini tələb etməyə başlayır.

Vicdanlı gəncin boynuna alacağı ciddi bir xətası olmadığından, o, atasını razı salmaq üçün qəsdən günah işləmək qərarına gəlir. Küçə xuliqanlarına qoşulan Yu qızların ətəyinin altını gizlicə çəkmək vərdişinə yiyələnir və elə bu vaxt anasının bəhs etdiyi həmin xilaskar qızla rastlaşır. Paralel olaraq şəhərdə mövqeyini gücləndirən «Sıfır Kilsəsi» adlı təhlükəli təriqət gənci öz təsiri altına salmağa çalışır.

«Sevgi ifşası» (Ai no mukidashi) filmi 2008-ci ildə Yaponiyada istehsal olunub. Rejissoru Sion Sono olan kinoda baş rolları Takahiro Nishijima, Hikari Mitsushima, Sakura Ando və Atsuro Watabe canlandırıblar. Əsər rejissorun «Hate trilogy» silsiləsinin bir hissəsidir.