Yozef

Birinci Dünya müharibəsinin qızğın vaxtı, 1915-ci il. Avstriya-Macarıstan qoşunları rus ordusuna və silahlı dəstələrə qarşı vuruşmaq üçün Şərq cəbhəsinə göndərilir. Ağır döyüşlərin birindən sonra sağ çıxan xorvat əsgəri meyitlərin arasında tək qalır.

Evinə qayıtmaq üçün yollar axtaran əsgər həlak olmuş bir zabitin hərbi geyimini əyninə keçirir. Çox keçmir ki, bu yad formanın keçmiş sahibinə aid gözlənilməz sirlər ortaya çıxır və qəhrəmanın vəziyyətini daha da çətinləşdirir. Beləliklə, xilas olmaq cəhdi yeni təhlükələrlə üzləşir.

Xorvatiya istehsalı olan «Josef» filmi 2011-ci ildə nümayiş olunub. Döyüş və hərbi janrlarda çəkilən ekran əsərinin rejissoru Stanislav Tomiçdir. Əsas rolları Neven Alinoviç-Tot, Alen Liveriç, Drajen Sivak və Sandra Lonçariç canlandırıb.