Tere Naam

Kollec tələbəsi Radhe Mohan günlərini avara keçirsə də, əslində xeyirxah qəlbə sahibdir. O, həmin təhsil ocağına yeni qəbul olan yerli din xadiminin qızı Nircara ilə tanış olur. Gəncin sadəliyi və məsumluğu Radheni dərhal cəlb edir və o, qızla evlənmək qərarına gəlir, lakin Nircara onun hisslərini rədd edir.

Bir gün Radhe kimliyini bilmədən çətin vəziyyətdə qalan bir qadını xilas edir və həmin şəxs Nircaranın böyük bacısı çıxır. Qadının əri Rameşvar baş verənləri Nircaraya danışdıqdan sonra qız Radheyə qarşı sevgi hissi duymağa başlayır. Lakin o, öz sevgisini etiraf etməyə macal tapmamış acı bir hadisə hər şeyi alt-üst edir.

2003-cü ildə ekranlara çıxan «Tere Naam» filminin rejissoru Satiş Kauşikdir. Hindistan istehsalı olan bu dramatik ekran əsərində baş rolları Salman Xan, Bhumika Çavla, Saçin Xedekar və Savita Prabhune canlandırıblar.