Race

Ranvir və Raciv Cənubi Afrikanın Durban şəhərində böyük atçılıq təsərrüfatına rəhbərlik edən iki qardaşdır. Böyük qardaş Ranvir qətiyyətli, fəal və işgüzar xarakteri ilə seçilir. Kiçik qardaş Raciv isə onun tam əksidir və xroniki alkoqol asılılığından əziyyət çəkir. Ranvirin sevgilisi olan fotomodel Sonya gözlənilmədən Racivlə ailə qurur, çünki kiçik qardaş evlənəcəyi təqdirdə içkini birdəfəlik atacağına söz verir.

Toydan sonra verilən vəd unudulur və Racivin vəziyyəti daha da pisləşir. Belə bir ailədə çətin günlər keçirən Sonya ilə Ranvir arasında köhnə hisslər yenidən alovlanır. Həyat yoldaşının ona xəyanət etdiyindən şübhələnən Racivin qısqanclığı vəziyyəti daha da gərginləşdirir. Qardaşların münasibətlərindəki bu ziddiyyət hər üç qəhrəmanın həyatını dözülməz sınaq qarşısında qoyur.

2008-ci il istehsalı olan «Race» filmi döyüş və kriminal triller janrındadır. Ekran əsərinin quruluşçu rejissorları Abbas Alibhay Burmawalla və Mastan Alibhay Burmawalladır. Baş rolları Saif Ali Xan, Akşay Xanna, Bipaşa Basu və Anil Kapur canlandırıblar.