
Bobbili Raja
Nüfuz və sərvət hərisliyi iki gəncin sevgisinə mane olur. Vanişri öz qardaşının Qumadi adlı yoxsul qızla ailə qurmasını qətiyyən istəmir. Eyni zamanda Kota Şrinivaşa Rao öz bacısını Vanişrinin qardaşına ərə vermək niyyətindədir, lakin rədd cavabı alır. Baş verən bədbəxt hadisə zamanı Kota oğlanı qətlə yetirir və cinayəti heç bir günahı olmayan Qumadinin boynuna atır.
Hamilə olan Qumadi polisin təqibindən yaxa qurtarmaq üçün meşəyə qaçaraq orada gizlənir. İllər keçdikdən sonra Vanişrinin qızı rəfiqələri ilə meşəyə gəlir və burada Raca ilə rastlaşır. İlk baxışdan bir-birindən xoşları gəlməsə də, zamanla aralarında səmimi sevgi yaranır. Lakin Vanişri qızının bu münasibətini öyrəndikdə Racanı qatilin oğlu olmaqda suçlayır. Raca isə anasının məsum olduğunu bütün kəndin önündə sübut etmək üçün Vanişriyə meydan oxuyur.
«Bobbili Raja» bədii filmi 1990-cı ildə Hindistanda istehsal olunub. Döyüş və melodram janrlarını birləşdirən ekran əsərinin quruluşçu rejissoru B. Qopaldır. Baş rolları Venkatesh, Divya Bharati, Vanisri və Babu Mohan canlandırıblar.
«Bobbili Raja» onlayn izlə
Film haqqında
Rollarda
Rəylər 0
Hələ rəy yoxdur — ilk siz yazın