And

Polis müfəttişi Kişan Kumar qadağan olunmuş maddələrin ticarəti ilə məşğul olan kəndə gizli şəkildə yollanır. O, kənd ağası Manqal Sinqhi və sakinləri bu işdən daşındırmağa çalışır. Orada Manqalın qızı Saviyə aşiq olur və onunla ailə qurur. Nəhayət, sakinləri malları təhvil verməyə razı salsa da, gözlənilmədən gələn polis dəstəsi camaatı gülləbaran edir. Nəticədə xeyli insan həyatını itirir, Manqal isə şikəst qalır.

Kəndlilər xəyanətdə günahlandırdıqları Kişanı qovurlar, polislər isə onu qətldə ittiham edərək dəmir barmaqlıqlar arxasına salır. Yeddi il həbsdə qalan Kişan oradan qaçaraq adını təmizə çıxarmaq ümidi ilə kəndə qayıdır. Doğma yurdunda onu nifrət bəsləyən Savi və atasını tanımayan oğlu qarşılayır. Üstəlik, idarəçiliyi ələ keçirən Cinda adlı yeni başçı onun ölümünü istəyir.

Rejissor Umeş Mehranın lentə aldığı «And» (Kasam) melodram elementli döyüş filmi 1988-ci ildə Hindistanda istehsal olunub. Əsas rolları Master Banti, Sudhir Dalvi, Ketki Dave və Punam Dillon canlandırıblar.