Robotriks

Dahi mühəndis öz şüurunu güclü bir robotun bədəninə köçürür. Yeni texnoloji güc qazanan alim ərəb neft maqnatının oğlunu girov götürür. Onun əsas məqsədi maqnatı şantaj edərək düşünən robotlardan ibarət böyük ordu yaratmaq layihəsinə ortaq olmağa məcbur etməkdir.

Cinayətkarın qarşısını almaq üçün Honkonq polisi hərəkətə keçir. Bu çətin əməliyyatda yerli asayiş keşikçilərinə kömək məqsədilə yaponiyalı qadın ixtiraçı cəlb olunur. O, polisə yardım üçün cazibədar qadın cildində hazırlanmış iki müasir kiborqu göndərir.

«Robotriks» filmi 1991-ci ildə Honkonqda istehsal edilib və onun rejissoru Ceymi Lukdur. Ekran əsərinin baş rollarında Emi İp, Çikako Aoyama, Devid U və Billi Çou çəkiliblər.