Aag

Tibbi təhsil alan Racu gələcəyə ümidlə baxır və kiçik bacısının qayğısına qalırdı. Sevdiyi qız Paru ilə evlənməyə hazırlaşdığı günlərdə onların qarşısına Surya adlı rüşvətxor polis çıxır. Uzun müddətdir Paruya göz dikən bu adam qızı toy ərəfəsində zorla qaçırır, Paru isə bu ləkəni qəbul etməyərək həyatına qəsd edir.

Surya bununla da kifayətlənməyərək Racunun bacısına təcavüz edir və qız bu dəhşətdən ağlını itirir. Ən yaxın insanlarını itirən gənc oğlan dinc həyatını arxada qoyaraq təqsirkarı cəzalandırmaq və intiqam almaq üçün hərəkətə keçir.

«Aag» filmi 1994-cü ildə Hindistanda rejissor K. Ravi Şankar tərəfindən çəkilib. Əsas rollarda Qovinda, Şilpa Şetti Kundra, Sonali Bendre və Sadaşiv Amrapurkar çıxış edirlər.