Cəllad

Şöhrətpərəst və hiyləgər Amavas qurduğu məkrli planlar sayəsində seçkilərdə qalib gələrək yerli administrasiyanın rəhbəri vəzifəsini tutur. Əldə etdiyi gücü və mövqeyi əldən vermək istəməyən yeni rəhbər çox keçmədən cinayət yolunu seçir və hakimiyyət naminə hər cür qanunsuzluğa əl atır.

Nənəsi və babasının himayəsində böyüyən oğlu Kranti isə illər sonra atasının əsl simasından xəbərdar olur. O, atasının törətdiyi qanlı əməlləri, ən əsası isə anasının ölümünə məhz onun bais olduğunu öyrənir. Həqiqəti anlayan gənc atasından qisas almaq qərarına gəlir.

Hindistan istehsalı olan «Jallaad» filminin rejissoru T.L.V. Prasad tərəfindən lentə alınıb. 1995-ci ildə ekranlara çıxan bu dramatik döyüş filmində baş rolları Mithun Çakraborti, Madhu, Mouşumi Çatterci və Kader Xan canlandırıblar.